Saturday, August 12, 2017

சிங்கங்கள்

ஆகஸ்ட் '10 '  தேதி  
              உலக_சிங்க_தினம் !

உலகளாவியரீதியில் அருகிவருகின்ற உயிரனமாக IUCN அமையத்தினால் வகைப்படுத்தப்பட்டுள்ள சிங்கங்களை பாதுகாக்க வேண்டியதன் அவசியம் தொடர்பாக விழிப்புணர்வினை ஏற்படுத்தும்முகமாக உலக சிங்க தினம் கொண்டாடப்படுகின்றது.

அந்தவகையில், சிங்கங்கள் தொடர்பிலான சுவாரஷ்சியமான தகவல்கள் உங்களுக்காக…!

சிங்கங்களின் கர்ஜனை ஓசை 5 மைல்களுக்கு அப்பாலும் கேட்கக்கூடியதாகும்.

சிங்கங்கள் நடக்கின்றபோது அவற்றின் குதிகால்கள் தரையில் படுவதில்லை.

சிங்கங்கள் ஒரு நாளில் 16 – 20 மணி நேரஙகளை தூக்கத்திலும், ஓய்விலுமே செலவிடுகின்றன.

சிங்கங்கள் மிகச்சிறப்பான இரவு நேர பார்வையினைக் கொண்டவையாகும்.

இதன் காரணமாக அவை சில வேட்டையாடுதல்களை இரவு நேரத்திலேயே மேற்கொள்கின்றன.

ஆண் சிங்கங்களை விடவும், பெண் சிங்கங்களே பெரும்பாலான வேட்டையாடல்களை மேற்கொள்கின்றன.

ஆண் சிங்கங்கள் தனது ஆட்சிபுலத்துக்குரிய பிராந்தியத்தினையும், தனது குட்டிகளினையும் பாதுகாப்பதிலேயே தனது நேரத்தினை செலவிடுகின்றது.

பெரிய பூனை இனங்களில் சிங்கங்கள் மாத்திரமே சமூகவியலானவையாகும்.

சிங்கங்கள் வழமையில் குழுக்களாகவே வாழ்கின்ற இயல்பினைக் கொண்டவையாகும்.  ஒரு குழுவில் சமாராக 30 வரையான சிங்கங்கள் ஒன்றாகவே வாழ்கின்றன.

சிங்கங்கள் மணிக்கு 81 கிலோ மீட்டர் (50 mph) வேகத்தில் ஓடக்கூடியவையாகும்.

சிங்கங்கள் 5-6 நாட்கள் வரையில் நீரின்றி தனது காலத்தினை கழிக்கக்கூடியவையாகும்.

தனது உடற் பருமனுடன் ஒப்பிடுகின்றபோது மிகச்சிறிய இதயத்தினைக் கொண்டுள்ள விலங்கினம் சிங்கம் ஆகும்.

சிங்கத்தின் இதயமானது, அதன் உடற்பருமனில் 1% இலும் குறைந்த பாகத்தினையே வகிக்கின்றது.

ஒரேஅமர்வில் சிங்கங்கள் 30 kg இறைச்சியினை உட்கொள்ளும் ஆற்றலைக் கொண்டவையாகும்.

உலகில் மிகப்பிரபலமான தேசிய விலங்கு என்கின்ற பெருமைக்குரிய விலங்கினம் சிங்கம் ஆகும்.

ஆர்மேனியா, நெதர்லாந்து, பெல்ஜியம், , பல்கேரியா, லக்ஸ்சம்பேர்க், இங்கிலாந்து, எதியோப்பியா, ஈரான், கென்யா, லைபீரியா, லிபியா, மஸிடோனியா, மொராக்கோ  ஆகிய நாடுகளின் தேசிய விலங்கு சிங்கம் ஆகும்.

No comments:

Post a Comment